The Wall Street Journal xabar berishicha, Eron Isroilga qarshi “qaqshatqich va keng qamrovli” hujumni rejalashtirmoqda. Bunga nafaqat raketa va dronlar, balki muntazam armiya askarlari ham jalb etiladi.

Manbaga ko‘ra, Isroilga yangi hujum AQShda 5-noyabrdagi prezidentlik saylovlaridan so‘ng, ammo 2025-yil yanvarida yangi prezident lavozimiga kirishishidan oldin sodir bo‘ladi. Yahudiy davlati harbiy obyektlariga “avvalgidan ko‘ra ancha agressiv” zarba berilishi kutilmoqda.

The Wall Street Journal manbalari ta’kidlashicha, hujumda nafaqat Islom inqilob qo‘riqchilari korpusi, balki muntazam armiya askarlari ham qatnashishi mumkin. Bu qo‘riqchilar korpusini qo‘llab-quvvatlash bo‘lib, to‘liq armiya safarbarligini nazarda tutmaydi.

“Bizning harbiylarimiz odamlarni yo‘qotdi, shuning uchun ular javob qaytarishlari kerak”, – deya izoh bergan Eron manbasi.

• Eron
• Isroil