Eronning oliy rahbari Oyatulloh Xomanaiy Tehronda XAMAS rahbarining o‘ldirilishiga javoban Isroilga zarba berishni buyurdi. Bu haqda Amerikaning “The New York Times” gazetasida ma’lum qilingan.

Shuningdek, Xomanaiy Tehronda XAMAS rahbari Ismoil Xaniya o‘ldirilganidan ko‘p o‘tmay milliy xavfsizlik Kengashining favqulodda yig‘ilishiga buyruq bergan.

Eron Isroilni Xaniyani o‘ldirishda aybladi. “Ushbu qilmishi bilan sionistik rejim qattiq jazoga yo‘l ochdi”, – deya Oyatulloh Xomanaiydan iqtibos keltirgan Irna davlat axborot agentligi.

O‘z navbatida, Eron prezidenti Mas’ud Pezeshkiyan X ijtimoiy tarmog‘ida uning mamlakati o‘z “hududiy yaxlitligini” himoya qilishini va “terrorchi bosqinchilarni qo‘rqoq harakatlaridan pushaymon qildirishini” yozgan.

• Eron
• Isroil
• hujum