Eron tomoni mojaro taraflariga, shu jumladan Ukrainaga ham qurol yetkazib bermasligini ta’kidlab, barcha mamlakatlarni ham shunga ergashishga chaqirdi. Xabarlarga ko‘ra, bu haqda Eronning BMTdagi post-vakolatxonasi bayonotida aytilgan.

“Eronning Ukrainadagi mojaro haqidagi pozitsiyasi o‘zgarishsiz qolmoqda. Eron mojaroga aloqador tomonlarga harbiy yordam ko‘rsatishni g‘ayriinsoniy deb hisoblaydi, bu esa inson qurbonlarining ko‘payishiga, infratuzilmaning buzilishiga va sulh muzokaralaridan uzoqlashishga olib keladi” – dedi Eron diplomatik vakolatxonasi. Eron nafaqat bunday harakatlarda qatnashishdan bosh tortibgina qolmay, balki boshqa davlatlarni mojaroga aloqador tomonlarga qurol yetkazib berishni to‘xtatishga chaqirmoqda.

Avvalroq The Wall Street Journal gazetasi noma’lum Amerika va Yevropa rasmiylariga tayanib, Eron Rossiyaga qisqa masofali ballistik raketalarni yetkazib bergani haqida maqola chop etgan edi.

• Eron
• Qurol
• Raketa
• Rossiya
• Ukraina
• Urush