Saudiya Arabistoni Eron tomonidan rejalangan hujum haqida AQSH bilan razvedka ma’lumotlari almashdi. Bu haqda “The Wall Street Journal” nashri xabar berdi.

Nashrning yozishicha, BAA razvedkasi Eronning Saudiya Arabistoni, shuningdek, Iroq Kurdistonidagi Erbil shahriga hujumlar uyushtirmoqchi ekanini ma’lum qilgan. Shunday qilib, Eron mamlakat ichidagi norozilik namoyishlaridan e’tiborni chalg‘itmoqchi bo‘layotgani qayd etilgan.

Ogohlantirishga javoban Saudiya Arabistoni, AQSH va boshqa qator qo‘shni davlatlar o‘z qurolli kuchlarining jangovar tayyorgarligi darajasini oshirgan.

Avvalroq Eron Rossiyaga mingga yaqin qurol-yarog‘, jumladan, qisqa masofaga mo‘ljallangan ballistik raketalar va qo‘shimcha hujumchi dronlarini yuborishga tayyorlanayotgani haqida xabarlar tarqalgan edi.

Qayd etilishicha, bungacha Tehrondan Moskvaga yetkazib berilgan qurollar partiyasi 450 ga yaqin uchuvchisiz samolyotlardan iborat bo‘lgan va Rossiya allaqachon ularni Ukraina hududidagi jangovar harakatlarga jalb qilgan.

• AQSh
• Eron
• Saudiya Arabistoni
• hujum