“Eron AQShning Yaman husiylarga qarshi amalga oshirgan keng ko‘lamli havo zarbalariga munosabat bildirdi”, – deb xabar bermoqda Reuters.

Avvalroq Tramp Eron tomonidan qo‘llab-quvvatlanayotgan Yaman husiylariga zarbalar berishni buyurgani ma’lum qilingan edi. Qo‘shma Shtatlar prezidenti, shuningdek, Tehronga murojaat qilib, husiylarni qo‘llab-quvvatlashni darhol to‘xtatishni talab qildi: “Amerika Eronni javobgarlikka tortadi va biz bu borada shafqat qilmaymiz!”

Islom inqilobi qo‘riqchilari korpusi bosh qo‘mondoni Husayn Salomiy husiylar mustaqil ravishda harakat qilishini va o‘zlarining strategik hamda harbiy qarorlarini qabul qilishini ta’kidladi.

“Biz dushmanlarimizni ogohlantirmoqdamizki, agar ular o‘z tahdidlarini amalga oshirsalar, Eron ularga qat’iy tarzda javob qaytaradi,” – degan Salomiy mahalliy OAV bergan intervyusida.

Reuters ma’lumotiga ko‘ra, AQShning husiylarga qarshi keng ko‘lamli harbiy operatsiyalari haftalab davom etishi mumkin.

• AQSh
• Eron
• Tramp
• Yaman