Mahsa Amini vafotining bir yilligi munosabati bilan Eronda norozilik namoyishlari bo‘lib o‘tdi. Ular mamlakatning bir qator shaharlarida politsiya bilan to‘qnashuvlarga sabab bo‘ldi. Bu haqda CNN xabar berdi.

Qayd etilishicha, namoyishlar joriy yilning 16-sentyabr kuni Tehron, Mashad, Ahvaz, Lahijak, Arak Rasht, Kirmanshoh, Hasanobod, Senenaj va Sekkez shaharlarida bo‘lib o‘tgan. Namoyishchilar “Ayol, hayot, erkinlik” shiorini aytishgan, namoyishchilar bu shiorni o‘tgan yili Amini o‘limidan keyin ham ishlatishgan edi.

Xavfsizlik kuchlari Kermanshoh va Sekkezda namoyishchilarga qarata o‘t ochgan. Rashtda politsiya bir necha miting ishtirokchilarini jarohatlagan, rasmiylar shaharda zirhli texnikalardan ham foydalangan. Namoyishlar arafasida xavfsizlik kuchlari ko‘chalarda patrul nazoratini kuchaytirdi.

Namoyishchilar qizning qabriga yaqinlashmasligi uchun rasmiylar Aminining oilasini uy qamog‘iga olib, to‘g‘ondagi suvni qo‘yib yuborishgan. Marhumning otasi Amja Amini dafn marosimlarini o'tkazishdan bosh tortishga undab, bir necha soat hibsga olingan. Bundan tashqari, politsiya o‘tgan yilgi namoyishchilarning ayrim qarindoshlarini hibsga olgan.

Ma’lumot uchun, Eron Axloq politsiyasi Mahsa Aminini 2022-yil sentyabrida “noto‘g‘ri hijob kiyish” aybi bilan hibsga olgan edi. Qiz xavfsizlik kuchlari tomonidan zo'ravonlikka uchragan, hibsga olinganidan bir necha kun o'tib komaga tushib qolgan va vafot etgan. Aminining o'limi butun Eron bo'ylab noroziliklarga sabab bo'ldi. Namoyishchilarning ko'pchiligi ro'molni yoqib, sochlarini kesdilar. Mitinglar uch oy davom etdi.

Respublika rasmiy maʼlumotlariga koʻra, namoyishlar chogʻida 200 ga yaqin odam halok boʻlgan. Inson huquqlari tashkilotlari qurbonlar soni 500 kishidan oshganini bildirmoqda.

2022-yil oxirida Eron hukumati axloq politsiyasi bekor qilinishini e'lon qilgan edi. Biroq shu yilning iyul oyida agentlik xodimlari ko‘chalarda qaytadan ko‘rinish bera boshlashdi.

• Eron
• Mahsa Amini
• Namoyish