22 yoshli Mahsa Aminining politsiya hibsxonasidagi o‘limi sabab norozilik namoyishlari butun mamlakat bo‘ylab tarqaldi.

Rasmiy ma’lumotlarga ko‘ra tartibsizliklarda halok bo‘lganlar soni 41 kishini tashkil etgan bo‘lsa, inson huquqlari tashkilotlari haqiqiy raqam 75 nafardan oshganini aytishmoqda.

Xalqaro tashkilotlardan biri norozilik namoyishlari boshlanganidan beri kamida to‘rt bola davlat kuchlari tomonidan o‘ldirilganini ma'lum qildi.

Keltirilishicha, namoyishchilarga qasddan va noqonuniy o‘q otilmoqda.

Amnesty tashkilotining Yaqin Sharq va Shimoliy Afrika bo‘yicha direktori Xeba Morayefning aytishicha, o‘lganlar sonining ortib borayotgani rasmiylarning inson hayotiga qanchalik shafqatsizligidan dalolat beradi.

Eron rasmiylarining bildirishicha, noroziliklarga qarshi kurashda 1200 dan ortiq odam hibsga olingan.

Qizning o‘limi yuzasidan qarindoshlari politsiya bo‘limida u qiynoqqa solingan va haqoratlangan deyishmoqda.

Ularning aytishicha, qiz boshiga tushgan zarbadan miyasi chayqalgan. Kasra kasalxonasida hisobot bor, u kasalxonaga yetib kelganida, u tibbiy nuqtai nazardan allaqachon o‘lib bo‘lgan.

• Eron
• Namoyish
• Rossiya
• Shri-Lanka
• Ukraina