Erondagi o‘q-dorilar zavodiga dron hujumi uyushtirildi. Mudofaa vazirligi “muvaffaqiyatsiz” deb atagan hujumda uchta dron ishtirok etgan, biroq qurbonlar yo‘q.

Vazirlikning ma’lum qilishicha, Isfahon shahridagi ishlab chiqarish majmualaridan biriga uchuvchisiz uchish apparatlari tomonidan qilingan hujum natijasida syexning tomi shikastlangan. Hujum qurbonlar va jihozlarning ishdan chiqishiga olib kelmagan.

Eron Mudofaa vazirligi “muvaffaqiyatsiz” deb atagan hujum 28 noyabr oqshomida sodir bo‘lgan. Unda uchta dron ishtirok etgan. Ulardan biri havo hujumiga qarshi mudofaa tizimi tomonidan urib tushirilgan, qolgan ikkitasi “mudofaa tuzog‘iga” tushib, portlab ketgan.

Mamlakat Mudofaa vazirligi aynan qaysi korxona haqida gap ketayotgani va hujum ortida kim turishi mumkinligiga aniqlik kiritmagan. Agentlik bu o‘q-dorilar zavodi ekanligini aytdi va go‘yoki portlash lahzasini aks ettiruvchi videoni e’lon qildi. Portlash sodir bo‘lgan joydan olingan videolar ham korxona kameralari tomonidan e’lon qilingan.

“Voqeadan so‘ng tergov va yetkazilgan zararni baholash boshlandi”, deb yozadi agentlik Isfaxon viloyati hokimiyatiga tayanib. Keyinroq Fars axborot agentligi o‘zining Twitter sahifasida portlash sodir bo‘lgan bino yonidagi videoni joylashtirgan.

• Eron
• Mudofaa
• dron
• hujum