Ma’lumotlarga ko‘ra, Eron janubi-sharqidagi Rask shahrida joylashgan politsiya bo‘limiga uyushtirilgan qurolli hujum oqibatida 11 nafar huquq-tartibot xodimi halok bo‘lgan. Bu haqda mahalliy nashrlar xabar berdi.

Ma’lum qilinishicha, ushbu hujum tunda sodir etilgan.
“Raskdagi politsiya bo‘limida sodir etilgan terakt oqibatida 11 kishi halok bo‘ldi”, deyiladi xabarda.

Bundan tashqari, politsiya otishma davomida bir necha hujumchini zararsizlantirgan.

Mahalliy matbuotning yozishicha, hujum uchun javobgarlikni Siston va Belujiston viloyatida faoliyat yurituvchi “Jeyshul Adl” tashkiloti o‘z zimmasiga olgan.

“Jeyshul Adl” mintaqadagi balujlar huquqlarini himoya qilishini da’vo qiladi. Eron hukumati “Jeyshul Adl”ni terrorchi tashkilot sifatida tan oladi.

• Eron
• Politsiya
• Terakt