AQShning sobiq prezidenti Jo Bayden saraton kasalligini davolash uchun unga buyurilgan dori-darmonlarni qabul qila boshlaganini aytdi. Bu haqda u kecha, 30-may kuni ma’lum qildi.

U yetakchi jarroh bilan ishlayotganini ta’kidlab o‘tgan.

“Prognoz yaxshi. Biz hamma narsa ustida ishlayapmiz. Hammasi yaxshi bo‘ladi va muhimi men o‘zimni yaxshi his qilyapman”, – degan Qo‘shma Shtatlar sobiq rahbari.

Uning qo‘shimcha qilishicha, kasallik hech qanday a’zosiga, jumladan suyaklariga ham ta’sir qilmagan.

Sobiq prezident vakillarining xabar berishicha, 16-may kuni shifokorlar Jo Baydenga suyaklarga metastaz bergan prostata saratoni tashxisini qo‘yishgan. Ularning fikriga ko‘ra, kasallikning agressiv shakliga qaramay, uni gormonlar bilan davolash mumkin.

Avvalroq Baydenga prostata saratoni tashxisi qo‘yilgani ma’lum bo‘lgan edi.

• AQSh
• Bayden
• Saraton