7-martda Oʻzbekiston hududiga Turkmaniston hududlaridan quruq va juda iliq havo kirib kelishi kutilmoqda. Bu haqda Oʻzgidromet
xabar berdi.
Respublika boʻyicha yogʻingarchilik kutilmaydi, kunduzgi havo harorati +25...+28° iliqgacha, janubda va choʻl hududlarda 30° iliqgacha koʻtariladi.
8 va 10-martda respublika boʻyicha baʼzi joylarda yomgʻir yogʻadi. 9-martda yogʻingarchilik kutilmaydi.
8-martda kunduzgi harorat +15...+18° iliqgacha pasayadi, 9-10-martda harorat yana koʻtarila boshlaydi va 10-martga kelib, +21...+26° iliqni tashkil etadi.
6-9-martda respublika boʻyicha baʼzi joylarda shamol tezligi 15-20 m/s gacha kuchayadi, ayrim joylarda chang-toʻzon bilan kuzatiladi.
7-martda Qoraqalpogʻiston Respublikasi, Navoiy, Jizzax, Qashqadaryo viloyatlarida shamol 22-25 m/s gacha kuchayishi mumkin.
6-10-martda togʻoldi va togʻli hududlarda sel-suv toshqin hodisalari yuzaga kelishi mumkin.
Toshkentda 8-martda kun davomida vaqti-vaqti bilan yomgʻir yogʻadi. 7-9-martda yogʻingarchilik kutilmaydi. Sharqiy shamol yoʻnalishini oʻzgartirib, gʻarbdan 7-12 m/s tezlikda esadi.
Ertaga havo +25...+27° iliqgacha isiydi, 8-9-mart kunlari +17...+19° iliq boʻladi.
38°
Kechasi 24°
