Ertaga O‘zbekistonning shimoliy hududlariga, 17–18-noyabr kunlari respublikaning barcha hududiga Volga bo‘yi orqali Rossiyaning Moskva viloyati ustida shakllangan nam va sovuq havo massasi kirib keladi. Bu haqda Respublika Gidrometeorologiya xizmati markazi xabar bermoqda. 

Xabarga ko‘ra, 16–17-noyabrda respublika bo‘yicha shamol tezligi 17–22 m/s gacha kuchayishi kutilmoqda, ba’zida 25–28 m/s gacha kuchayishi mumkin, ba’zi joylarda changli bo‘ron bo‘ladi.

Shuningdek, butun respublika bo‘yicha harorat keskin pasayishi kutilmoqda. 16–17-noyabrda shimolda, 17–18-noyabrda O‘zbekistonning qolgan hududlarida harorat kechalari 5–8° sovuqgacha, kunduz kunlari 0–3° iliqgacha, shimolda kechalari 12–15° sovuqgacha, kunduz kunlari 0–3° sovuqgacha pasayadi.

• Ob-havo