Taʼmirlash ishlari tufayli ertaga, 31-may kuni Toshkent shahrining Uchtepa va Yakkasaroy tumanlari baʼzi hududlarida gaz taʼminoti vaqtinchalik to‘xtatiladi. Bu haqda “Hududgaz Poytaxt” gaz taʼminoti filiali xabar berdi.

Taʼkidlanishicha, ertaga Uchtepa tumani O‘rikzor mavzesida joylashgan yuqori bosim № 14-10/69-Yu GTP ning baypas qismidagi texnik nosoz gaz zulfini almashtirish ishlari hamda Yakkasaroy tumani Bahodir ko‘chasi va Bo‘rijar kanalida joylashgan “JZUN TASHKENT CONSTRUCTION” MCHJ hududidagi yer osti D-159 mm o‘rta bosimli gaz quvurini harakatdagi gaz quvuriga ulash ishlari amalga oshiriladi.

Bu ishlarni bajarishda 31-may kuni soat 10:00 dan 18:00 ga qadar quyidagi tabiiy gaz isteʼmolchilarida gaz taʼminoti vaqtinchalik to‘xtatiladi.

Aholi isteʼmolchilari:

– O‘rikzor, Ko‘ksaroy, Zarafshon MFYlarda 4000 ta xonadon;

– Yakkasaroy tumani Bahodir ko‘chasidagi 3 ta ko‘p qavatli uylar, 230 ta xonadon
 

Ulgurji isteʼmolchilari:

– Uchtepa tumani O‘rikzor mavzesidagi 60 ta ulgurji isteʼmolchilari;

– Yakkasaroy tumani Bahodir ko‘chasidagi 3 ta ulgurji isteʼmolchilari.

• Hududgazta'minot