Ma’lum qilinishicha, Falastin Qizil yarim oy jamiyati G‘azo sektori shimolida joylashgan Jabaliya shahridagi birinchi tibbiy yordam markazida yoqilg‘i taqchilligi sababli o‘z faoliyatini to‘xtatgan. Bu haqda tashkilot bayonotiga asoslanib, Falastinning “WAFA” rasmiy axborot agentligi xabar berdi.

Qayd etilishicha, “Falastin Qizil yarim oy jamiyatining tez yordam mashinalari ta’minoti tugab qolgan va G‘azo sektori shimolidagi shifoxonalar ishlamayapti”.

Shuningdek, Falastin Qizil yarim oy jamiyati hozirgi vaziyatda “murdalarni, yaradorlarni tashish va boshqa ishlarni amalga oshirish imkoniyatiga ega emasligini” ma’lum qildi.

Jabaliyadagi markaz Falastin Qizil yarim oy jamiyati homiyligida tashkil etilgan. Bu yerda yengil va o‘rta darajadagi jarohat olganlarga yordam ko‘rsatiladi. Tibbiyot muassasasi kuniga 250 nafarga yaqin bemorlarga xizmat ko‘rsatadi.

• Bolalar
• Falastin
• Isroil
• O'lim