Fargʻonada Quyosh energiyasi bilan ishlaydigan svetoforlar ishlab chiqarilmoqda.

2 yil avval Yozyovon tumanida sinovdan oʻtkazilgan koʻchma svetofor ijobiy samara berib, uning energiya tejamkorligi, istalgan yerga oʻrnatish imkoniyati mavjudligi har jihatdan maʼqullangan. Keyinchalik, ushbu svetofor bir necha tumanlarga oʻrnatila boshlangan.

Jumladan, Fargʻona viloyatining Yozyovon, Oltiariq, Rishton, Dangʻara tumanlari hamda Margʻilon shahriga oʻrnatilgan. Bundan tashqari, Qashqadaryo viloyatida ham koʻchma svetoforlar ishga tushib, sinovdan oʻtkazilmoqda. Keyingi oʻrinlarda Navoiy viloyatida ham bunday svetoforlar qoʻyilishi rejalashtirilgan.

G‘oya mualliflarining ma’lum qilishicha, 50 vv.li quyosh batareykalari o‘rnatilgan, ushbu svetoforlar uchun talab tobora ortib bormoqda va tez orada “Smart svetofor” loyihasi ham namoyish etilishi ma’lum qilingan. Ta’kidlanishicha, “Aqlli svetofor”lar yuzaga keladigan tirbandliklarning oldini olishga xizmat qiladi.

Xusussan, koʻchma svetoforlarning Rishton tumanidagi 1 100 dan ziyod oʻquvchi tahsil oladigan 1-maktab oldidagi asosiy yoʻlga qoʻyilishi oʻquvchilarning xavfsizligiga ijobiy taʼsir koʻrsatgan.

• Farg‘ona
• Innovatsiya