O‘zbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti xabar berishicha, Bosh prokuratura huzuridagi Departamentning Farg‘ona tumani bo‘limi va IIB xodimlari hamkorligida o‘tkazilgan tezkor tadbirda qonunga xilof ravishda tamaki mahsulotlari savdosi bilan shug‘ullanib kelgan fuqaro S.T.ning boshqaruvidagi “Cobalt” rusumli avtomashinasi to‘xtatilib ko‘zdan kechirilganda, sifatini tasdiqlovchi hujjatlari bo‘lmagan xorijda ishlab chiqarilgan 1 535 quti “Esse change” nomli aksiz markasiz tamaki mahsulotlarini o‘tkazish maqsadida olib kelganligi aniqlanib, ushbu mahsulotlar ashyoviy dalil sifatida olingan.

Mazkur holat yuzasidan Jinoyat kodeksining 25, 186-1-moddasi (etil spirti, alkogolli mahsulot va tamaki mahsulotini qonunga xilof ravishda muomalaga kiritish yoki ishlab chiqarish) bilan jinoyat ishi qo‘zg‘atilib, tergov harakatlari o‘tkazilmoqda.

• Farg‘ona
• O‘zbekiston
• Tamaki