Joriy hafta oxiriga borib Farg‘ona vodiysi viloyatlaridagi gaz quvurlarida tabiiy gaz bosimining ko‘tarilishi kutilmoqda. Bu haqda Energetika vazirligi ma’lum qildi.

Shu bois, mahalliy hokimliklar bilan kelishilgan holda, avtomobillarga gaz to‘ldirish kompressor shoxobchalarida (AGTKSH) gaz bosimining ko‘tarilishiga qarab, ularning faoliyati bosqichma-bosqich tiklanishi rejalashtirilmoqda.

Avvalroq, gaz bosimi pasaygan kunlarda birinchi navbatda aholi va ijtimoiy soha ob’yektlarini elektr energiyasi va tabiiy gaz bilan bir maromda ta’minlash zarurligi sababli AGTKSH faoliyatiga majburiy cheklovlar kiritilgan edi.

Qayd etilishicha, quvurlarda gaz bosimini bir meyorga keltirish va ushbu me’yorni saqlab turish uchun gaz to‘ldirish shoxobchalari qisqa vaqt oralig‘ida reja-grafik asosida faoliyat yuritadi.

• Farg‘ona
• Gaz shaxobchasi