Farg‘ona viloyati IIB Tezkor-qidiruv xizmati tomonidan yer resurslarini talon-toroj qilish bilan bog‘liq holat aniqlandi. Bu haqda IIV axborot xizmati xabar bermoqda.

Ma’lum qilinishicha, 1997-yilda Farg‘ona viloyatida tug‘ilgan fuqaroning viloyat IIB boshlig‘i nomiga yozgan arizasiga ko‘ra, Jinoyat-qidiruv boshqarmasi, Korrupsiya va iqtisodiy jinoyatlarga kurashish bo‘limi xodimlari tomonidan tezkor tadbir o‘tkazilgan.

Qirg‘izistonda tug‘ilgan 38 yoshli Rossiya fuqarosi Quvasoy shahar “Qo‘chqorcha” qishlog‘i hududida joylashgan bog‘dorchilik fermer xo‘jaligiga uzoq muddatga ijaraga berilgan 14 gektar yer maydonini hech qanday hujjatlarsiz 140 ming dollarga sotishga kelishgan.

Gumonlanuvchi oldindan bo‘nak (avans) sifatida talab qilingan 15 ming dollar miqdoridagi pullarni olgan vaqtda ashyoviy dalillar bilan ushlangan.

Hozirda mazkur holat yuzasidan tergovga qadar tekshiruv harakatlari olib borilmoqda.

• Farg‘ona
• Firibgarlik
• IIB