Fargʻona tumanida ota-oʻgʻil is gazidan zaharlanish natijasida vafot etgan. Bu haqda viloyat IIB xabar berdi.

Qayd etilishicha, 17-noyabr kunidan 18-noyabr kuniga oʻtar kechasi Fargʻona tumani, Gulshan MFY, Samo koʻchasidagi uylarning birida istiqomat qiluvchi 62 yoshli X.A (erkak) va birga yashovchi 31 yoshli oʻgʻli X.B  yashash xonadonida is gazidan zaharlanish natijasida hodisa joyida vafot etgan.

Maʼlum qilinishicha, hozirda yuqoridagi holatlar yuzasidan tergov tezkor guruhi hodisa joyida ishlamoqda va voqea tafsiloti yuzasidan qoʻshimcha ravishda maʼlumot beriladi.

Oʻz navbatida, viloyat IIB shu kabi holatlarning oldini olish maqsadida, fuqarolardan, xonadon va boshqa binolardagi gaz anjomlarida gaz sizib chiqish holatlari bor yoki yoʻqligiga eʼtiborli boʻlishni, olovdan foydalanishda texnika xavfsizligi qoidalariga rioya qilishini soʻradi.

• Farg‘ona
• Is gazi