Yaypan shahrida (Farg‘ona viloyati) yosh qiz o‘z joniga qasd qildi. Fuqaroning ota-onasi uning o‘z joniga qasd qilganiga ishonmayapti. Bu haqda "Nemolchi" (sukut saqlama) loyihasi xabar bermoqda.

Aniqlanishicha, 20 yoshli Z.T. 30 yoshli erkakka turmushga chiqqan. To‘ydan so‘ng qiz erining kaltaklaganidan shikoyat qila boshlagan. Shu munosabat bilan u qarindoshlaridan olib ketishlarini so‘ragan.

“Qizning o‘limidan telefon orqali xabar topgan ukasi va singlisi darhol erining uyiga borib, opasini hovli o‘rtasida o‘lganini ko‘rishgan. Ularga barcha oila a'zolari uyda ekanligi aytilgan. Qo‘shnilarining aytishicha, o‘sha kuni Z.T. hovlida yolg‘iz qolgan, oila a’zolari uni qamab, uydan chiqib ketishgan”, – deyiladi xabarda.

Qarindoshlarining fikricha, uyiga bormasligi uchun uni kaltaklab, qamab qo‘yishgan. O'limidan oldin u qo'shnilarini chaqirgan.

Yaqinlarining so‘zlariga ko‘ra, qizning tanasida kaltaklanish izlari topilgan, ekspertiza natijalari bir haftadan keyin chiqadi, hozirda ularga dafn marosimiga ruxsat berilgan. Shuningdek, marhumning qarindoshlari kuyov tomonning ildizi qattiqligi bois ko‘p narsani bosti-bosti qilib yuborishlari mumkinligidan xavotirini aytdi.

• Farg‘ona