Malum bo‘lishicha, Farg‘ona viloyatidagi xonadonlarning birida er-xotin maishiy muammolar tufayli janjallashib qolishgan va ayol 2 ta farzandi bilan ota uyiga ketib qolgan.

Er farzandi va ayolini o‘z uyiga olib kelish uchun bir necha bor harakat qilgan ammo foyda bo‘lmagan. Bundan g‘azablangan erkak spirtli ichimlik ichadi va ayoliga telefon qilib, barcha narsalarini uydan olib ketishini, o‘zi esa boshqa ayolga uylanib olishini aytadi.

O‘sha kunning o‘zida xotini onasi va akasi bilan keladi va narsalarini yig‘ishtirayotgan paytida janjal kelib chiqadi. Bu paytda er ayolining qorniga oshxona pichog‘i bilan bir marta urib, jarohat yetkazadi.

Shifoxonada ko‘rsatilgan muolajalar ta‘sirida uning sog‘igi tiklandi. Olib borilgan huquqiy jarayonlardan so‘ng ikki farzandning otasiga ushbu ishi uchun Farg’ona viloyati Dang‘ara tuman sudi tomonidan huquqiy baho berilgan.

Qayd etilishicha, sudlanuvchi Jinoyat Kodeksining 104-moddasi 2-qismi “l” bandi bilan aybdor deb topilib, unga Jinoyat Kodeksining 57-moddasi bilan jinoyat ishi qo‘zg‘atilgan. Buning natijasida unga 3 yil muddatga ozodlikdan cheklash jazosi qo‘llanilib, sud zalining o‘zida qamoqqa olingan.

• Farg‘ona
• IIB