Ijtimoiy tarmoqlarda Farg‘ona viloyatidagi mahallalardan birida kesilgan daraxtlar aks etgan video tarqaldi. Viloyat ekologiya va atrof-muhitni muhofaza qilish boshqarmasida holat yuzasidan rasmiy izoh berdi.

Joriy yilning 4-iyul kuni Daraxtlar kesilayotganligi toʻgʻrisida xabar topgan Fargʻona viloyat Ekologiya boshqarmasi boshligʻining tezkor topshirigʻiga koʻra  boshqarma boshligʻi oʻrinbosari boshchiligida boshqarma xodimlari va Oʻzbekiston tuman boʻlimi inspektorlari bilan birgalikda Oʻzbekiston tuman “Qirqketmon” MFY  hududida Oʻzbekiston tuman Elektr tarmoqlari xodimlari tomonidan,  shamol esishi natijasida elektr simiga tegib,  inson xayoti va sogʻligiga xavf solayotgan manzarali va mevali daraxtlarni xech qanday ruxsatnomasiz oʻzboshimchalik bilan kesilayotgan vaqtida joyida toʻxtatilib,  qolgan daraxtlar saqlanib qolingan.

Yuqoridagi holatga koʻra “Qirqketmon” MFY hududida noqonuniy ravishda 48 toʻp koʻp yillik sosna,  9 tup shumtol va 30 tupdan ortiq mevali daraxtlarni ostidan kesib tashlashgani aniqlanib, oʻsimlik dunyosiga yetkazilgan zarar summasi 43 410 000 baholangan. Oʻzbekiston Respublikasi Vazirlar Mahkamasiningg 2019-yil 17-yanvardagi “Davlat  oʻrmon fondiga kirmaydigan yerlarda  daraxtlar  va  butalardan  foydalanishni  tartibga solish va ulardan foydlanish  sohasida ruxsat berish tartibini  yanada takomillashtirish toʻgʻrisidagi 43-son qarorining  49-bandida  “Yetkazilgan zararni undirish, ushbu nizomga 4-ilovada keltirilgan bitta daraxt va butani kesish uchun berilgan ruxsatnoma qiymati miqdorining eng kam oylik ish xaqqi miqdoriga nisbatan koeffitsentlariga asosan yaʼni kam qimmatli daraxtlar turi uchun 5 (besh) baravarga, qimmatli  yogʻochbop daraxtlar uchun  10 baravarga, 100 (yuz) yoshdan oshgan daraxtlar uchun esa 20 baravarga koʻpaytirish bilan hisoblanadi” deb belgilangan.

Shuningdek, Oʻzbekiston Respublikasi Prezidentining 2021-yil 30-dekabrdagi 46-sonli farmonini 2-a-bandiga asosan, daraxt va butalarni noqonuniy kesish va shikastlantirish bilan oʻsimlik dunyosiga yetkazilgan zarar uchun undirish summalari ikki baravarga oshirilgan holda qoʻllanilib, 43 410 000 soʻmlik zarar qayta xisoblanganda 856 500 000 soʻmni tashkil qilgan. Hozirda tegishli xujjatlar rasmiylashtirilib, prokuratura organlariga takdim etilganini maʼlum qilamiz.

• Farg‘ona
• daraxt