19-may kuni O‘zbekiston Respublikasi IIV SHXBB Farg‘ona viloyati bo‘yicha boshqarmasi hamda IIV SHXXB JIED xodimlari bilan hamkorlikda tadbir o‘tkazildi. Bu haqda IIV axborot xizmati xabar berdi.

Unga ko‘ra, 1980-yilda tug‘ilgan M.R ismli ayol muqaddam firibgarlik jinoyati sodir etganligi uchun jazo o‘tab kelayotganligiga qaramasdan Yuksalish ko‘chasida fuqaro Gʻ.X.ni 5 ming AQSH dollari evaziga O‘zbekiston Respublikasi IIV Akademiyasiga o‘qishga olib kirib qo‘yishini va’da qilgan. Undan firibgarlik yo‘li bilan oldindan kelishilgan pullardan ming dollarini olayotgan vaqtida tadbir ishtirokchilari tomonidan daliliy ashyolar bilan qo‘lga olingan.

Mazkur holat yuzasidan Farg‘ona shahar IIO FMB huzuridagi tergov bo‘limi tomonidan Jinoyat kodeksining 168-moddasi 3-qismi “b” bandi (firibgarlik) bilan jinoyat ishi qo‘zg‘atilgan.

Ma’lumot o‘rnida, yuqorida ko‘rsatilgan jinoyatni sodir etgan shaxs sakkiz yilgacha ozodlikdan mahrum qilish bilan jazolanishi mumkin, deyiladi vazirlik xabarida.

• Farg‘ona
• Firibgarlik
• IIV