Joriy yilning 22-noyabr kuni Farg‘ona viloyatining Farg‘ona tumanida bedarak yo‘qolgan ayolning murdasi Qirg‘iziston hududidan topildi. Bu haqda viloyat IIB axborot xizmati ma’lum qildi.

Qayd etilishicha, joriy yilning 22-noyabr kuni ayolning turmush o‘rtog‘i Sh.X. Farg‘ona tumani IIBga murojaat qilib, unda Hosilot MFY Yakkatut ko‘chasi 108-uyda birga yashovchi turmush o‘rtog‘i I.X. shu kuni kuni soat 03:00 atrofida hech bir sababsiz yashash xonadonidan noma’lum tomonga chiqib ketib, qaytib kelmasdan bedarak yo‘qolganini ma’lum qilgan.

Olib borilgan tezkor qidiruv tadbirlari davomida bedarak yo‘qolgan fuqaro I.X.ning murdasi kecha, 24-noyabr kuni qo‘shni Qirg‘iziston respublikasining Batken viloyati, Qadamjoy tumani, Halmiyon qishlog‘idan oqib o‘tuvchi beton ariqdan topilgan.

Sud tibbiy ekspertizasi tomonidan marhuma I.X.ga “nafas yo‘llarining suv bilan to‘lishi natijasida yuzaga kelgan mexanik asfiksiya, boshining peshona tepa sohasida lat, yara va yumshoq to‘qmasiga qon quyilishlar” dastlabki tashxisi qo‘yilgan.

“Mazkur holat yuzasidan tergovga qadar tekshiruv harakatlari olib borilmoqda”, – deyiladi xabarda.

• IIB
• O'lim
• O‘zbekiston
• Qirg‘iziston