Farg‘ona viloyati Qo‘shtepa tumanidagi maktabgacha ta’lim tashkilotlaridan birining binosidan odam jasadi topilgan.

Tuman hokimligining hududiy IIB bergan ma’lumotga tayanib xabar berishicha, joriy yilning 20-noyabr kuni soat 07:00 larda tumandagi “Qo‘rg‘oncha” MFY Paxtaobod ko‘chasida joylashgan 27-maktabgacha ta’lim tashkiloti binosida bir nafar fuqaroning jasadi topilgan.

Sud tibbiy ekspertizaning dastlabki xulosasida, fuqaroning is gazidan zaharlangani aytiladi. Tuman hokimligi sodir bo‘lgan baxtsiz hodisani o‘rganish yuzasidan maxsus komissiya tuzish haqida qaror qabul qilgan.

Tuman komissiyasiga joyiga chiqqan holda baxtsiz hodisa sodir bo‘lgan joyning holati bo‘yicha barcha o‘zgarishlarni qayd etish va jalb etilgan ekspertlar yoki mutaxassislardan iborat guruhning xulosasi yozma ravishda rasmiylashtish vazifalari yuklatilgan.  

• FVV
• Farg‘ona
• Is gazi