Farg‘onada uch kishi is gazidan zaharlanib vafot etdi.

Voqea joriy yil 14-yanvar kuni sodir bo‘lgan. Farg‘ona shahar “Istiqlol” mahalla fuqarolar yig‘ini Abdulla Qodiriy ko‘chasi 43-uy, 44-xonadonda yashovchi ikki nafar fuqaro voqea joyida, shu xonadonga mehmonga kelgan kishi esa Respublika shoshilinch tibbiy tez yordam ilmiy markazi, Farg‘ona filialida jon bergan.

Sud tibbiy ekspertizasi dastlabki xulosasi fuqarolar is gazidan zaharlangani gumonini tasdiqlagan.

Ayni paytda mazkur vaziyatni o‘rganish bo‘yicha shahar komissiya tarkibi tasdiqlangan. Bundan oldingi bu turdagi fojiada Farg‘ona viloyati Farg‘ona tumanida yashovchi ota va o‘g‘il vafot etgan edi.

• Farg‘ona
• Is gazi