“Hududgaz Fargʻona” gaz taʼminoti filiali komplayens nazorat tuzilmalari, “Fargʻonashahargaz” gaz taʼminoti boʻlimi va prokuratura xodimlaridan iborat ishchi guruh tomonidan Fargʻona shahrida oʻtkazilgan reyd jarayonida tabiiy gazdan oʻgʻrincha foydalanish holati aniqlangan.

Shaharning “Shakarqishloq” MFYda joylashgan issiqxona hech qanday hujjatlarsiz oʻzboshimchalik bilan tabiiy gaz tarmogʻiga ulanib, “zangori yoqilgʻi”dan noqonuniy ravishda foydalanib kelgani maʼlum boʻlgan.

Bu haqda “Hududgazta’minot” AJ axborot xizmati xabar berdi.

“Holat yuzasidan dalolatnoma tuzilib, tabiiy gaz sarfi qayta hisob-kitob qilindi va 1,6 mlrd soʻmlik zarar aniqlandi. Toʻplangan barcha hujjatlar qonuniy baho berish uchun huquqni muhofaza qiluvchi organlarga yuborildi”, – deyilgan xabarda.

• Farg‘ona
• Hududgazta'minot
• Qoidabuzarlik