Farg‘ona viloyati Yozyovon tumanida 7-yanvar kuni “Lacetti” urib yuborgan velosipedchi hodisa joyida halok bo‘ldi. Bu haqda viloyat Ichki ishlar boshqarmasi axborot xizmati xabar berdi.

Ma’lum bo‘lishicha, A.J. boshqaruvida bo‘lgan “Lacetti” rusumli avtomashina Suvliariq mahallasida velosipedchi E.A.ni urib yuborishi oqibatida E.A tan jarohati olib, hodisa joyida halok bo‘lgan.

Holat yuzasidan tuman IIB huzuridagi tergov bo‘linmasi tomonidan Jinoyat kodeksining 266-moddasi (transport vositalari harakati yoki ulardan foydalanish xavfsizligi qoidalarini buzish) 2-qismi bilan jinoyat ishi qo‘zg‘atilib, tergov harakatlari davom etmoqda. Viloyat Ichki ishlar boshqarmasi haydovchilarni hushyorlikka chaqirgan.

• Farg‘ona
• IIV