Joriy yil 25-noyabr kuni taxminan soat 16:42larda Toshloq tumani “Varzak” mahallasi, Ko‘prikboshi ko‘chasida joylashgan “Oltiariq gaz to‘ldirish” MChJning avtomobillarga suyultirilgan gaz to‘ldirish shoxobchasida gaz-havo aralashmasining chaqnashi sodir bo‘ldi.

Hodisa natijasida ushbu shoxobchada xizmat olib borayotgan (5 nafar) ishchi xizmatchilar Qo‘shtepa tumani "Shahartepa" mahallasi Yog‘du ko‘chasi 27-uyda yashovchi 1959-yilda tug‘ilgan fuqaro Yoqubov Muhammadali, Quva tumani "Akbarobod" mahallasida yashovchilar 1962-yil tug‘ilgan fuqaro Abdusalom Abduraximov, fuqaro Zuxriddin Jo‘raboyev, 1987-yil tug‘ilgan fuqaro Ortiqali Abduraxmonov hamda Toshloq tumani "Varzak" mahallasida yashovchi 1995-yilda tug‘ilgan fuqaro Abobakir Asqarovlar turli darajada tan jarohati olib Respublika shoshilinch tibbiy yordam ilmiy markazi Farg‘ona filialiga davolanish uchun yotqizilgan.

Mazkur chaqnash oqibatida avtomobillarga suyultirilgan gaz to‘ldirish shoxobchasi bino qismi zararlanmagan. Shu hududda yashovchi boshqa fuqarolarning xavfsizligini ta’minlash, yuzaga kelishi mumkin bo‘lgan baxtsiz hodisalarning oldini olish maqsadida olib borilgan birlamchi o‘rganishlar vaqtida avtomobillarga suyultirilgan gaz to‘ldirish shoxobchasi  binosi qismiga zarar yetmaganligi aniqlangan.

Shuningdek, sodir bo‘lgan mazkur baxtsiz hodisa sabablarini o‘rganish hamda oqibatlarini bartaraf etish uchun komissiya tarkibi tasdiqlangan.

• FVV
• Farg‘ona