31°
Kechasi 18°
2-iyun kuni soat 10:10 atrofida Farg‘ona viloyatining Oltiariq tumanida sodir bo‘lgan yo‘l-transport hodisasi oqibatida Italiya fuqarosi A.U. halok bo‘ldi. Bu haqda Ichki ishlar vazirligi matbuot xizmati xabar bermoqda.
YTH Oltiariq tumani “Azimobod” mahallasidan o‘tuvchi 4P-148A Bag‘dod-Oltiariq yo‘lining 2-kilometrida sodir bo‘lgan. Nexia-2 haydovchisi – Bag‘dod tumanida yashovchi, 2002-yilda tug‘ilgan A.A. velosiped haydab ketayotgan 67 yoshli chet ellik ayolni urib yuborgan.
Oqibatda u turli tan jarohatlari bilan kasalxonaga yotqizilgan. Biroq ko‘rsatilgan tibbiy yordamga qaramay, vafot etgan.
Holat yuzasidan Jinoyat kodeksining 266-moddasi 2-qismi (Transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilgan. Hozirda viloyat ichki ishlar boshqarmasi surishtiruv ishlarini olib bormoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
