Farg‘ona viloyatining Farg‘ona tumanida fuqaro o‘z uyida qimorxona tashkil etgani ma’lum bo‘ldi.  Bu haqda Fargʻona viloyati IIB Axborot xizmati xabar berdi.

Ma'lum qilinishicha, 15-oktabr kuni tuman IIB JQB va DXX xodimlari hamkorlikda oʻtkazilgan tezkor tadbir davomida, Konchilar mahalla hududida yashovchi M.R yashash xonadonida qonunga xilof ravishda qimorxona tashkil etib, fuqarolar U.N, T.S va S.M.larga tavakkalchilika asoslangan qimor oʻyini oʻynashlari uchun shart-sharoit yaratib berganligi aniqlanib, jami 28.238.000 soʻm va 800 AQSH dollari va 148 dona oʻyin kartalari daliliy ashyo tariqasida olingan.

Mazkur holat yuzasidan Fargʻona tumani IIB huzuridagi tergov boʻlimi tomonidan M.R.ga nisbatan Jinoyat kodeksining 278-moddasi 1-qismi (qimorxona tashkil etish) bilan jinoyat ishi qoʻzgʻatilib, tergov harakatlari olib borilmoqda.

Fuqaro mazkur jinoyat ortidan 7 yilgacha ozodlikdan mahrum etilishi mumkin.

• Farg‘ona
• Qimor