Fargʻona viloyati Ichki ishlar boshqarmasi jinoyat qidiruv xodimlari tomonidan tezkor tadbir oʻtkazildi.

Unda aniqlanishicha, Fargʻona shahridagi koʻp tarmoqli tibbiyot markazi boʻlimi mudiri bosh shifokor orqali mazkur tibbiyot markazida ishlovchi ikki nafar xodimning shtat birliklarini 1 “stavka”dan 1,5 “stavka”ga koʻtarib berishni aytgan holda 500 AQSh dollari talab qilgan. Mudir xonasida 400 AQSh dollar miqdordagi pulni olayotgan paytda ashyoviy dalillar bilan ushlangan.

Maʼlum qilinishicha, hozirda mazkur holat yuzasidan korrupsiyaga qoʻl urgan shaxsga nisbatan Oʻzbekiston Respublikasi Jinoyat kodeksining tegishli moddalari bilan jinoyat ishi qoʻzgʻatilib, tergov harakatlari boshlangan.

• Farg‘ona
• Korrupsiya
• Tibbiyot