Joriy yilning 1-choragida farmatsevtika korxonalari tomonidan 1 trln, 157 mlrd so‘mlik mahsulotlar ishlab chiqarildi, deb xabar bermoqda Farmatsevtika tarmog‘ini rivojlantirish agentligi axborot xizmati rahbari Sevara To‘laganova.

“37 mln dollarlik mahsulotlar eksport qilingan hamda investitsiya dasturiga kiritilgan 17 ta loyiha doirasida 25,0 mln dollar investitsiya mablag‘lari o‘zlashtirilgan. Umumiy qiymati 6,5 mln dollarlik 2 ta loyiha ishga tushirilishi natijasida 250 nafar yangi ish o‘rni yaratilgan”, – deyiladi hisobotda.

O‘zbekistonda yangi investitsiya loyiha takliflarini ishlab chiqish maqsadida 1 chorak davomida Xitoy, Rossiya, Tojikiston, Eron va Turkiyaga xizmat safarlari tashkil etilib, jami 59 ta kompaniya bilan muzokaralar o‘tkazilgan. Natijada Xitoy bilan tibbiy buyum va jihozlar hamda tibbiy uskunalarini ishlab chiqaruvchi xorijiy kompaniyalar ishtirokida 41 mln dollarlik loyihalar O‘zbekistonda amalga oshirilishiga kelishilgan.

• Eksport
• Farmasevtika