Jizzaxda farzandini 3 million so‘mga sotmoqchi bo‘lgan ota-ona qamaldi. Bu haqda Oliy sud matbuot kotibi Aziz Obidov xabar berdi.

Qayd etilishicha, fuqaro o‘zining shar’iy nikohidagi turmush o‘rtog‘i bilan jinoiy til biriktirib voyaga yetmagan 2021-yilda tug‘ilgan farzandini 3 million so‘m evaziga sotayotgan vaqtida daliliy ashyolar bilan ushlangan.

Shundan so‘ng, Jinoyat ishlari bo‘yicha Jizzax shahar sudida sudlanuvchi er-xotinga nisbatan sud hukmi o‘qildi.

Unga ko‘ra, sudlanuvchi erkak Jinoyat kodeksining 135-moddasi (Odam savdosi) 3-qismi “a” bandi bilan 8-yilga ozodlikdan mahrum etilgan.

Sudlanuvchi ayolga esa Jinoyat kodeksining 135-moddasi 3-qismi “a” bandi bilan Jinoyat kodeksining 57-moddasi (Yengilroq jazo tayinlash) qo‘llanilib, 6-yilga ozodlikdan mahrum qilish jazosi tayinlangan.

• Jizzax
• Oliy sud