AQShning Forbes jurnali Vitalik Buterinni 2021-yilning eng mashhur yangi milliarderlaridan biri deb topdi.

Reytingni tuzish vaqtida Amerika jurnali 27 yoshli tadbirkorning boyligini 1,3 milliard AQSh dollarga baholagan. Buterin Ethereum blokcheyn platformasi va uning kriptovalyuta efiri asoschisi hisoblanadi. Shuningdek, 488 milliard AQSh dollar kapitallashuvi bilan efir Bitcoin'dan keyin ikkinchi o‘rinda turadi, bozor qiymati esa 966 milliard AQSh dollarga teng.
Qayd etilishicha, efir narxining o‘zgaruvchanligi sababli Buterin ba’zan milliarderlar qatoriga kirgan, ba’zan esa ularning safidan tushib qolgan.

Joriy yil noyabr oyi oxirida Forbes 27 yoshli Buterinni “30-30” shon-sharaflar zaliga kiritgan. Nashr ushbu ro‘yxatning 10 yilligi munosabati bilan 30 nafar “barcha davr yulduzi”ni tanlab olgan. 2021-yilda u dunyoning eng yosh kripto-milliarderiga aylangandi.

Ma’lumot uchun, Vitalik Buterin 1994-yilda Rossiyaning Moskva viloyati Kolomna shahrida tug‘ilgan. Keyinchalik u oilasi bilan Kanadaga ko‘chib o‘tgan va Torontoda katta bo‘lgan. Bundan tashqari, 2014-yilda Buterin taniqli venchur kapitalisti Piter Til mukofotini oldi. Bu unga diqqatini bitkoin kriptovalyuta tarmog‘ini o‘rganishga, bir yildan so‘ng esa o‘zining Ethereum blokcheyn platformasini ishga tushirishga imkon bergan.

• Rossiya
• milliarderlar