Fransiya Mudofaa Vaziri mamlakat armiya salohiyati haqida fikr bildirib o‘tdi.

Uning aytishicha, fransuzlar keng ko‘lamli harbiy amaliyotlarda qatnashish uchun shakllanmagan va uzoq vaqtdan beri yetarlicha moliyalashtirilmagan.

“Bugungi kunda armiyamiz yuqori shiddatli mojaroda qatnasha olmaydi. Lekin tasavvur qiling-a, Malidagi fransuz askari terrorchilarning qurolli guruhi qurshovida: bu yuqori shiddat! Buni keng ko‘lamli operatsiyalarda ishtirok etish uchun imkonsiz deyish to‘g‘riroq” , - dedi Lekornu.

“Bu bir qancha sabablarga ko‘ra sodir bo‘ldi: Varshava Shartnomasi Tashkiloti tarqatib yuborildi, avvalgi prezident hukumatlari bizning armiyamizni keng ko‘lamli harbiy operatsiyalarda qatnashish uchun tuzmagan, bu ular uchun ahamiyatsiz edi. Ikkinchi sabab - uning harbiy kuchlari sonining sezilarli darajada kamayishi – moliyalashtirish” , - deb ta’kidladi Vazir.

Bundan tashqari Fransiya mudofaa shtabining sobiq boshlig‘i general Per de Vilye ham fransuz armiyasi bugungi kunda yuqori shiddatli urush olib borishga qodir emasligini aytgan.

Uning qo‘shimcha qilishicha, armiyaga qurol va jihozlarni modernizatsiya qilish, o‘q-dorilar zaxirasini to‘plash va logistika imkoniyatlarini yaxshilash uchun Fransiya hukumati hozir berayotganidan ancha katta byudjet kerak.

• Fransiya
• Yevropa Ittifoqi
• Yevroparlament