Fransiya endi Rossiya gazini quvurlar orqali olmaydi. Bu haqda Fransiyaning GRTgaz quvur liniyasi operatoriga tayanib, “Reuters” xabar bermoqda.

“Fransiya va Germaniya o‘rtasidagi jismoniy oqim to‘xtatilgani sababli Fransiya 15-iyundan beri Rossiya gazini olmayapti”, – degan kompaniya vakillaridan biri.

GRTgaz ma’lumotlariga ko‘ra, Fransiyadagi gaz omborlari 56 foizga to‘lgan.

Ma’lumot uchun, avvalroq Yevropaning uchta davlati Rossiya gazi yetkazib berish qisqarganidan shikoyat qilgan edi. Xususan, Italiyaning Eni kompaniyasi shartnomada ko‘rsatilgan hajmdan 15 foizga, Germaniyaning Uniper kompaniyasi esa 25 foizga kam daromad olganini ma’lum qildi. Shuningdek, Avstriyaning OMV kompaniyasi ham Rossiyadan gaz hajmi kamayganini e’lon qildi.

• Fransiya
• Gaz
• Germaniya