Fransiyada 3-iyul, dushanbaga o‘tar kechasi sodir bo‘lgan tartibsizliklar chog‘ida 157 kishi qo‘lga olindi.

Respublika IIV maʼlumotlariga koʻra, tartibbuzarlar bilan toʻqnashuvda uch nafar politsiyachi va jandarm yaralangan.

Ichki ishlar vaziri Gerald Darmanin Twitter'dagi sahifasida Sen-Denidagi yerosti avtoturargohlaridan birida tunda yong‘in chiqqani va ko‘p sonli avtomobil zarar ko‘rgani haqida ma’lum qildi.

Darmanin, shuningdek, yong‘inni o‘chirishda halok bo‘lgan 24 yoshli o‘t o‘chiruvchining oila a’zolari va yaqinlariga hamdardlik bildirdi.

Fransiyada 27-iyundan beri davom etayotgan ommaviy tartibsizliklarga Parijning gʻarbidagi Nanterda politsiya tomonidan 17 yoshli Noel M.ning oʻldirilishi sabab boʻlgan.

Huquq-tartibot idoralari xodimlarining so‘zlariga ko‘ra, mashinani boshqarayotgan o‘smir qoidani buzgani uchun politsiya patruli tomonidan to‘xtatilgan va huquq-tartibot idoralari xodimlariga bo‘ysunmagani uchun otib o‘ldirilgan.

• Fransiya
• Namoyish