Fransiya janubida Kamerundan kelgan odamda yangi turdagi koronavirus aniqlandi. Avstriyaning “Xoyte” gazetasi xabariga ko'ra, u yana 12 kishiga noma’lum shtammni yuqtirgan.

Mutaxassislarning fikricha, patogen Kamerunda paydo bo‘lgan bo‘lishi mumkin. Ma’lumotlarga ko‘ra, Kamerunda emlash darajasi atigi 2,4% ni tashkil qiladi. Nashrning yozishicha, testlar barcha kasallangan odamlarda “mutatsiyalarning atipik birikmasi”ni aniqlagan.

Yangi shtamm B.1.640.2 deb nomlandi. Fransuz olimlarining tadqiqotiga ko‘ra, koronavirusning yangi versiyasida 46 ta mutatsiya aniqlangan. Ushbu shtamning xavflilik yoki yuqumlilik darajasi noma'lum.

“Shunday qilib, genom mutatsiyalarining namunasi biz “IHU” deb atagan yangi variantdan dalolat beradi”, deb yozgan tadqiqotchilar. 

Ta’kidlanishicha, ular olgan ma’lumotlar koronavirusning yangi shtammlari paydo bo‘lishini oldindan belgilab bermaydi. 

Ma’lumotlarga ko'ra, hozirda Fransiyada “omicron” tarqalmoqda, mamlakat Sog‘liqni saqlash vaziri Olive Veranga ko‘ra, tez kunlarda bu variantning tarqalishi kengayadi.

• Fransiya
• koronavirus