Fransiya politsiyasi va jandarmlari joriy yilning 27-iyunidan 28-iyuniga o‘tar kechasi boshlangan tartibsizliklar davomida 2,4 mingga yaqin odamni hibsga oldi. Bu haqda fransuz OAVlari xabar berdi.

Bu maʼlumotlarga koʻra, Fransiyada chorshanbaga oʻtar kechasi 31 kishi, payshanba kuni 182 kishi, juma kuni 875 kishi va shanba kuni 1311 kishi hibsga olingan. Mamlakat bo‘ylab jami 2399 kishi hibsga olingan.

1-iyulga o‘tar kechasi Fransiya rasmiylari 30-iyunga o‘tar kechasidagidan ko‘ra ko‘proq kuch ishlatgan. Xususan, ko‘chalarda xavfsizlikni ta’minlashga 45 ming nafar politsiyachi jalb qilingan. Bundan tashqari, rasmiylar milliy jandarmeriyaning 18 ta bronetransportyordan iborat zirhli guruhidan foydalanishga qaror qildi.

Bezorilar bilan to'qnashuvda 79 nafar politsiyachi va jandarm yaralandi. Bundan tashqari, kecha tunda 1350 ta avtomobil yoqib yuborilgan, 234 ta bino zarar ko‘rgan.

Shanbaga o‘tar kechasi eng yirik tartibsizliklar Marsel, Lion, Sent-Eten, Tuluza, Bordo, shuningdek, Parij chekkasida, xususan, Sen-Denida bo‘lib o‘tdi.

• Fransiya
• Namoyish
• Tartibsizlik