Toshkent shahar hokimi Jahongir Ortiqxo‘jayev joriy yil 30-noyabrda “Avtotransport vositasini qabul qilib olish to‘g‘risida”gi qarorini imzoladi.

Qarorga ko‘ra, Toshkent shahar hokimligi ishlar boshqarmasi va fuqaro Latipova Ziyoda Baxromovnaga tegishli Mercedes benz S500 Hybrid rusumli, davlat raqami 01M798NV bo‘lgan qora rangli yengil avtotransport vositasini Toshkent shahar hokimligi tasarrufiga ixtiyoriy ravishda beg‘araz (tekinga) berish haqidagi taklifi ma’qullangan.

Hokim qarori bilan mazkur avtomobil belgilangan tartibda qabul qilib olinadi va texnik ko‘rikdan o‘tkazilib undan samarali foydalanish choralari ko‘riladi.

Shuningdek, Toshkent shahar Moliya bosh boshqarmasiga 2022-yil Toshkent shahar mahalliy byudjeti parametrida ushbu avtotransport vositasini saqlash xarajatlarini ko‘zda tutish topshig‘i berilgan.    

• Ortiqxo‘jayev
• Toshkent