FVV qutqaruvchilari Bo‘stonliqda adashib qolgan fuqarolarni qutqardi. Bu haqda FVV matbuot xizmati xabar berdi.

Xabar berilishicha, kuni kecha Toshkent viloyati Favqulodda vaziyatlar boshqarmasiga Bo‘stonliq tumanidagi “Kichik Oqsoy” tog‘iga sayr qilish maqsadida borgan 4 nafar fuqaro yo‘ldan adashib qolganligi va ularga yordam zarurligi to‘g‘risida xabar tushgan.

Qayd etilishicha, Chimyon yong‘in-qutqaruv otryadining bir guruh qutqaruvchilari zudlik bilan aytilgan manzilga yetib borib, qidiruv-qutqaruv ishlarini amalga oshirgan. Shuningdek, olib borilgan sa’y-harakatlar natijasida yo‘ldan adashgan fuqarolar “Kichik Oqsoy” tog‘ining, dengiz sathidan 2000 metr balandlikda ekanliklari aniqlanib, sog‘-salomat xavfsiz hududga olib tushilgan.

Hodisa oqibatida tan jarohat olgan va halok bo‘lganlar yo‘q.

• FVV
• qutqaruv ishlari