Kecha, 5-dekabr kuni 16:07 da Toshkent viloyati FVBga Chirchiq daryosining Qibray tumani “Qipchoq” mahallasi hududidan oqib o‘tuvchi qismining o‘rtasidagi orolchada fuqaro qolib ketganligi va yordam zarurligi haqida xabar kelib tushgan. Bu haqda Toshkent viloyati FVB xabar bermoqda.

Xabarga asosan, Chirchiq yong‘in-qutqaruv otryadidan qutqaruvchilar zudlik bilan aytilgan manzilga yetib borib, qutqaruv qayig‘i hamda maxsus anjomlar yordamida fuqaro daryodagi orolchadan sog‘-salomat xavfsiz joyga olib chiqilgan va tez tibbiy yordam xodimlariga topshirilgan.

Ma’lum bo‘lishicha, fuqaro otga minib olgan holda daryoning bir qirg‘og‘idan ikkinchi qirg‘og‘iga o‘tayotgan vaqtida otning oyog‘i toyib yiqilib tushgan va daryoda oqib ketgan.  Shundan so‘ng, daryo o‘rtasidagi orolchaga chiqib olgan. Ot esa o‘z harakatlari bilan qirg‘oqqa chiqib olgan.

Hozirda fuqaroning ahvoli yaxshi shifokorlar tomonidan malakali tibbiy ko‘rikdan o‘tkazilib, yashash uyiga ruxsat berilgan.

• FVV
• Toshkent viloyati