G7ning barcha davlatlari 2025-yilgacha energetika sektorini karbonsizlantirishga kelishib oldilar. Bu haqida Germaniya vitse-kansleri Robert Xabek Berlinda boʻlib oʻtgan G7 iqlim, energetika va atrof-muhit vazirlari yigʻilishi yakunlari boʻyicha brifingda ma’lum qildi. 

Uning so‘zlariga ko‘ra, qazilma energiya subsidiyalarini tugatish juda muhim. Biroq, bu vazifani amalga oshirish ancha qiyin. 

“Energetika sektorini karbonsizlantirish bo‘yicha muhim qadam qo‘yildi, hozirda qabul qilingan majburiyatda aytilishicha, energetika sektori 2035-yilda G7ning barcha davlatlarida va bu birinchi yangilik, barcha G7 davlatlarida, har biri o‘zi uchun, asosan dekarbonizatsiya qilinishi kerak va ko‘mirdan uzoqlashish G7ning umumiy maqsadidir”, deydi vazir.

Ma’lumot uchun, joriy yil 25-may kuni Berlinda “Kuchli Yettilik” guruhining energetika, iqlimni muhofaza qilish va atrof-muhitni muhofaza qilish vazirlarining uch kunlik uchrashuvi boshlandi. Germaniya hozirda G7ga raislik qilmoqda. “Yettilik guruhi” – Buyuk Britaniya, Germaniya, Italiya, Kanada, AQSh, Fransiya va Yaponiyani o‘z ichiga olgan iqtisodiy rivojlangan mamlakatlar uyushmasi hisoblanadi. 

• AQSh
• Buyuk Britaniya
• Fransiya
• Germaniya
• Italiya
• Kanada
• Katta yettilik
• Yaponiya