G7 mamlakatlari Myanmadagi vaziyatdan xavotirda, Janubi-Sharqiy Osiyo davlatlari Assotsiatsiyasining (ASEAN) ushbu mamlakatda hal qilish bo‘yicha sa'y-harakatlarini qo‘llab-quvvatlamoqda, deyiladi Xirosimadagi sammitda qabul qilingan G7 rahbarlari bayonotida.

“Biz Myanmadagi xavfsizlik, gumanitar, inson huquqlari va siyosiy sohadagi yomonlashayotgan vaziyatdan chuqur xavotirdamiz va bu mamlakat xalqi bilan birdamligimizni bildiramiz”, – deyiladi bayonotda.

“Biz Janubi-Sharqiy Osiyo davlatlari Assotsiatsiyasining sa'y-harakatlarini, shu jumladan, uning Myanmadagi barcha manfaatdor tomonlar bilan besh bandli ASEAN konsensusini (Myanmadagi inqirozni hal qilish uchun) amalga oshirish bo‘yicha davom etayotgan hamkorligini qo‘llab-quvvatlashda davom etmoqdamiz" – deyiladi hujjatda.

G7 rahbarlari Myanma harbiylariga zo‘ravonlikni zudlik bilan to‘xtatish, barcha siyosiy mahbuslar va noqonuniy ushlab turilganlarni ozod qilish, inklyuziv va tinch muloqot uchun muhit yaratish va mamlakatni "haqiqiy demokratiya yo‘liga" qaytarish haqidagi chaqiriqlarini ilgari surmoqda.

• G7
• Myanma
• Yaponiya