G‘arb davlatlari Ukrainadagi voqealarni xolisona yorituvchi ommaviy axborot vositalari faoliyatining oldini olish uchun barcha choralarni ko‘rmoqda. Bu haqda Rossiya TIV rahbari Sergey Lavrov ma‘lum qildi.

Bugun, 5-iyul kuni Rossiya Tashqi ishlar vazirligi rahbari Sergey Lavrov jurnalistlar bilan suhbatda G‘arbni Ukraina masalasini yoritayotgan OAVga taziyq o‘tkazayotganlikda aybladi.

“Afsuski, G‘arb u yerda (Ukrainada) nima bo‘layotgani haqida xolis ma’lumot beruvchi OAV ga to‘sqinlik qilish uchun barcha choralarni ko’rmoqda”, – deydi u.

Shuningdek, Rossiya TIV rahbari mamlakat Kiyev rejimi vakillarining Ukrainadagi harakatlariga oid haqiqiy faktlarni e’lon qilishdan manfaatdor ekanini ta’kidlagan.

Avvalroq, Ukraina Prezidenti Volodimir zelenskiy rossiyalik OAV hodimlarini jazoga tortmoqchiligini ma‘lum qilgandi. Bunga javoban Rossiya Tashqi ishlar vazirligining rasmiy vakili Mariya Zaxarova undan mamlakat jurnalistlarini do‘q-po‘pisalar bilan qo‘rqitishni bas qilishini so‘ragan.

• Lavrov
• Rossiya
• Yevropa