Birlashgan Millatlar tashkiloti (BMT) bosh kotibi Antonio Guterrish G‘azo sektoridan 2500 nafar bolani zudlik bilan evakuatsiya qilish kerakligini aytmoqda.

Guterrish G‘azoda ishlaydigan to‘rtta amerikalik shifokor bilan uchrashgandan so‘ng, X ijtimoiy tarmog‘idagi sahifasida mana shunday xabarni yozgan.

Uning so‘zlariga ko‘ra, G‘azoda ishlaydigan shifokorlar bilan uchrashish BMT Bosh kotibida katta taassurot qoldirgan. Shuningdek, Guterrish shifokorlarning fidoyiligini ham ta’kidlagan.

“2500 bolani zudlik bilan G‘azodan evakuatsiya qilish kerak, davolanish tugagandan so‘ng esa ularni oilalari va jamoalariga qaytishini ham ta’minlashimiz zarur”, – Antonio Guterrish.

• BMT
• Bosh kotib