Ma’lumotlarga ko‘ra, qamaldagi G‘azo sektorida erta tug‘ilgan chaqaloqlar Xalqaro sudda genotsid aybi bilan sud qilinayotgan Isroil hujumi tufayli o‘lim xavfi ostida qolgan. Bu haqda Birlashgan Millatlar Tashkiloti Aholishunoslik jamg‘armasi – UNFPA ijtimoiy tarmoqdagi sahifasida ma’lum qilgan.

– Isroilning shifoxonalarga hujumi, qamal, dori-darmon va yonilg‘i taqchilligi, keng tarqalgan yuqumli kasalliklar tufayli G‘azoda erta tug‘ilgan chaqaloqlar o‘lim xavfi bilan to‘qnash kelmoqda, – deyiladi hisobotda.

UNFPA zudlik bilan o‘t ochishni to‘xtatish va fojiaga barham berishga chaqirdi.

– Bolalar nishon emas, – ta’kidlaydi nashr.

2023-yil 7-oktyabrda G‘azo sektoriga ommaviy hujum boshlangandan beri Isroil samolyotlari zarbasi natijasida ko‘plab shifoxonalar faoliyati to‘xtadi. Quruqlikdan hujum boshlanishi bilan kasalxonalar qamal qilinib, harbiy kazarmaga aylantirildi.

Ma’lumotlarga ko‘ra, anklavning janubiy Xon Yunus shahridagi Nosir va Emel kasalxonalari qamali, deyarli, bir oydan beri davom etyapti.

• Chaqaloq
• Falastin
• Isroil
• shifoxona