Bugun G‘azo sektorida oilaviy yashagan asli tataristonlik oila Rossiyaga evakuatsiya qilindi. Ularni Qozon shahrida Rossiya Favqulodda vaziyatlar vazirligining Tatariston bo‘yicha tezkor guruhi a’zolari va psixologlari, shuningdek, ijroiya qo‘mitasi vakillari kutib olgan.

Departament matbuot xizmatining xabar berishicha, qochqinlar 5 kundan ortiq yo‘l yurishgan. Avvaliga ular Qohiraga borishgan u yerdan maxsus samolyotda Moskvaga yetkazilgan va Qozonga yo‘l olingan.

Evakuatsiya qilingan oila jami 10 nafar kishidan iborat bo‘lib, oila boshlig‘I G‘azo sektoridagi portlashlarda halok bo‘lgan. Ayol olti farzandi va uch nabirasi bilan Tataristonga ota-onasining oldiga qaytgan. "Biz hozir ota-onamizni ko‘rgani keldik, ammo keyin nima bo‘lishini bilmaymiz, hali ham shok holatidamiz. Eson-omon yetib kelganimizdan xursandmiz. G‘azo sektorda gaz yo‘q. Bu joy Yer yuzidan qirib tashlanyapti”, - deya intervyu bergan ko‘chirib olib kelingan oila a’zosi.

Eslatib o‘tamiz, G‘azo sektoridan evakuatsiya qilingan rossiyaliklarning birinchi guruhi 13-noyabr kuni Moskvaga yetkazilgan edi. Ikkinchi 98 nafar insondan iborat bo‘lgan guruh 15-noyabr kun yetib kelgan. Eng katta ko‘chirish 17-noyabr kuni Rafah nazorat-o‘tkazish punkti orqali amalga oshirilib 200 nafarga yaqin Rossiya fuqarolari va ularning oila a’zolari evakuatsiya qilingan edi. Shu vaqtga qadar jami 428 nafarga yaqin rossiyaliklar urush o‘chog‘idan evakuatsiya qilingan.

• Falastin
• Isroil
• Rossiya
• Tatariston