Oliy Majlis Senati, Gender komissiyasi, Mahalla va oilani qo‘llab-quvvatlash vazirligi tomonidan o‘tkazilayotgan “Gender tenglik faoli” milliy ko‘rik-tanlovining natijalari e’lon qilindi.

Adliya vazirligi “Gender tenglikni ta’minlashda eng faol huquqni muhofaza qiluvchi organ” nominatsiyatsida g‘olib bo‘ldi.

Ma’lumot uchun: Bugungi kunda adliya tizimida 7000 dan oshiq xodimlar faoliyat olib borayotgan bo‘lsa, ularning  38 foizi ayollardir. Birgina Markaziy apparatning o‘zida 10 nafar ayol rahbar lavozimda  ishlayotgani qayd etilgan.

Shuningdek, adliya tizimidan yuqori tashkilotlarga bir qancha ayollar ishga o‘tishgan bo‘lib, bu tashkilotda ayollarning kasbiy o‘sishi va mansab pillapoyalaridan yuqorilashi uchun yuqori darajada sharoit va imkoniyatlar yaratib berilganining amaldagi isboti hisoblanadi.

Jumladan:

“Gender tenglikni ta’minlashda eng faol huquqni muhofaza qiluvchi organ”

Adliya vazirligi hamda Ichki ishlar vazirligi

“Gender tenglikni ta’minlashda eng faol davlat organi”

Mudofaa vazirligi

“Gender tenglikni ta’minlashda eng faol hokimlik”

Samarqand viloyati hokimligi

“Gender tenglikni ta’minlashda eng faol tashkilot”

Olmaliq tog‘-kon metallurgiya kombinati

“Gender tenglikni ta’minlashda eng faol NNT”

“To‘maris” ayollar va yoshlar markazi (Navoiy viloyati)

“Gender tenglikni ta’minlashda eng faol tadbirkorlik subyekti”

“Shovot tekstil”  MCHJ (Xorazm v)

“Gender tenglikni targ‘ib qilishga qaratilgan eng yaxshi radio dastur”

Qoraqalpog‘iston teleradiokanali bosh muharriri

Nurbekova Gulnaz Azatovna

“Gender tenglikni targ‘ib qilishga qaratilgan Internetdagi eng yaxshi veb-sayt”

sqb.uz sayti

“Gender tenglikni targ‘ib qilishga qaratilgan Internetdagi eng yaxshi axborot portal”

Human.uz axborot portali jurnalisti Yunusova Nargiza

To‘ychimurod qizi

Shuningdek, “Nafosat”ko‘rik tanlovi g‘oliblari-dizayner qizlar ham taqdirlangan.

• Adliya
• Ayollar